Интерьер дизайны таван алтан дүрэм

Гэрээ "Basic" харагдуулахаас хэрхэн сэргийлэх вэ? Интерьерийн 5 алтан дүрэм

Шинэ байранд орох эсвэл засвар хийсний дараа бүх зүйл шинэхэн боловч нэг л "хоосон", эсвэл хэтэрхий "каталог" шиг амьгүй харагдах үе байдаг уу? Сайн чанарын материал сонгохоос гадна тэдгээрийг хэрхэн хослуулах нь таны гэрийн уур амьсгалыг тодорхойлдог.

Materials.mn-ээс танд зориулж, гэрийнхээ интерьерийг илүү өндөр зэрэглэлийн, загварлаг харагдуулах энгийн атлаа үр дүнтэй зөвлөгөөнүүдийг хүргэж байна.

1. Текстур буюу материалын хоршил

Гэрийг уйтгартай харагдуулдаг гол хүчин зүйл бол бүх гадаргуу ижил төрлийнх байх явдал юм. Жишээ нь, бүх тавилга чинь гөлгөр гадаргуутай байвал гэр "хүйтэн" мэдрэмж төрүүлдэг.

• Зөвлөгөө: Мод, чулуу, даавуу, төмөр гэх мэт ялгаатай материалуудыг хослуул. Зөөлөн буйдан дээрээ барзгар нэхээстэй бүтээлэг тавих, эсвэл гөлгөр ханан дээрээ модон болон чулуун гоёл оруулж өгөх нь орон зайг илүү баялаг харагдуулдаг.

2. Гэрэлтүүлгийн "Давхарга" үүсгэ

Зөвхөн таазнаас зүүсэн ганц люстр гэрэл хэзээ ч тухтай орчинг бүрдүүлдэггүй. Энэ нь өрөөг хавтгай, орон зайгүй харагдуулдаг.

• Зөвлөгөө: Гэрэлтүүлгийг гурван түвшинд хуваа:

  1. Үндсэн: Таазны ерөнхий гэрэл.

  2. Ажлын: Гал тогооны тавцан, ажлын ширээний гэрэл.

  3. Гоёлын: Хананы гэрэл, шалны гэрэл (floor lamp) эсвэл зургийн гэрэл. Шалны гэрэл асаах төдийд л өрөөний уур амьсгал 180 градус өөрчлөгдөх болно.

3. Хөшиг ба Хивс: Зөв хэмжээг сонгох

Маш олон хүмүүс хэтэрхий богино хөшиг эсвэл хэтэрхий жижиг хивс сонгох алдаа гаргадаг. Энэ нь өрөөг байгаа хэмжээнээс нь жижиг, "ядуу" харагдуулдаг сул талтай.

• Зөвлөгөө: Хөшгийг таазны ирмэгээс шал хүртэл урттай сонговол тааз өндөр харагдана. Харин хивсний хувьд буйдан, сандлын урд хөл заавал хивсэн дээр байрлаж байх ёстойг санаарай.

4. "Focus Point" буюу Анхаарал татах цэг

Өрөөнд орж ирэхэд харц хамгийн түрүүнд тусах нэг тод хэсэг байх хэрэгтэй. Бүх зүйл ижилхэн зөөлөн өнгөтэй байвал гэр "Basic" харагдана.

• Зөвлөгөө: Энэ нь тод өнгийн буйдан, урлагийн бүтээл, эсвэл ер бусын хийцтэй гэрэл байж болно. Нэг цэгийг онцолж өгснөөр тухайн өрөөний "дизайн" утга учиртай болдог.

5. Байгалийн элементүүд

Интерьер дизайны тренд хэрхэн өөрчлөгдөж байсан ч амьд ургамал, байгалийн өнгө хэзээ ч модноос гардаггүй.

Зөвлөгөө: Өрөөний нэг буланд том навчит ургамал тавих нь орон зайд "амь" оруулж, агаар цэвэршүүлэхээс гадна гэрийн тань өнгө төрхийг шууд шинэчилнэ.

Сайхан гэр гэдэг нь заавал хамгийн үнэтэй тавилгатай байхыг хэлэхгүй. Харин өөрт байгаа материал, өнгө, гэрлийг хэрхэн зөв зохион байгуулснаас л бүх зүйл шалтгаалдаг.

Хэрэв та засварын ажил эхлүүлж байгаа бол хэрэгцээт бүх материал, шилдэг шийдлүүдийг Materials.mn-ээс нэг дороос сонгоорой.